ແຜນຫຼັກ
ແຜນຫຼັກຊີ້ນຳທາງ ແລະ ໃຫ້ຄຳແນະນຳ. ການພັດທະນາຂອງພວກເຂົາ ຕ້ອງການການເຊື່ອມໂຍງດ້ານຍຸດທະສາດທີ່ຊັບຊ້ອນ, ເສດຖະກິດ, ລະບຽບການ, ເຕັກນິກ, ສັງຄົມ ແລະ ສິ່ງແວດລ້ອມ. ເປົ້າໝາຍຂອງພວກເຂົາຄືການພັດທະນາແນວທາງຍຸດທະສາດ ໄປສູ່ເປົ້າຫມາຍທີ່ກໍານົດໄວ້, ໂດຍຄໍານຶງເຖິງຂັ້ນຕອນການດຳເນີນການໃນໄລຍະສັ້ນ, ໄລຍະກາງ ແລະ ໄລຍະຍາວ.
ບົດບາດຂອງໄອແອລເອັຟ
ການສົ່ງເສີມການມີສ່ວນຮ່ວມຂອງຜູ້ມີສ່ວນໄດ້ສ່ວນເສຍ (stakeholder) ທີ່ເໝາະສົມ ແມ່ນມີຄວາມສຳຄັນຢ່າງຍິ່ງໃນການພັດທະນາແຜນຫຼັກ. ການມີສ່ວນຮ່ວມດັ່ງກ່າວເປັນປັດໃຈຊີ້ຂາດໃນການວິເຄາະສະພາບການເປັນຢູ່ ແລະ ການພັດທະນາທາງດ້ານການເມືອງ, ເສດຖະກິດ ແລະ ເຕັກນິກທີ່ຄາດຄະເນໄວ້ ເຊິ່ງກ່ຽວຂ້ອງກັບແຜນຫຼັກຢ່າງລະອຽດ. ການວິເຄາະແມ່ນຈຸດເລີ່ມຕົ້ນຂອງການພັດທະນາເປົ້າຫມາຍທາງຍຸດທະສາດ ແລະ ຈຸດປະສົງຂອງແຜນຫຼັກ.
ພ້ອມກັບວິໄສທັດ ແລະ ພາລະກິດເປົ້າໝາຍດ້ານຍຸດທະສາດ ແລະ ຈຸດປະສົງເຫຼົ່ານີ້ໄດ້ຮັບພັດທະນາໃນກອງປະຊຸມດ້ານການດຳເນີນການຮ່ວມກັບຕົວແທນຂອງລູກຄ້າ ແລະ ອາດຮ່ວມກັບຜູ້ມີສ່ວນໄດ້ສ່ວນເສຍ (stakeholders) ພາຍນອກ . ສິ່ງນີ້ເຮັດໃຫ້ໝັ້ນໃຈໄດ້ວ່າ ແຜນຫຼັກທີ່ພັດທະນາໃນພາຍຫຼັງ ໄດ້ຮັບການສະໜັບສະໜູນ ແລະ ຍອມຮັບໃນວົງກວ້າງ.
ຜົນປະໂຫຍດຕໍ່ລູກຄ້າ
ການປະສົມປະສານລະຫວ່າງຄວາມສາມາດດ້ານວິສະວະກໍາ, ສິ່ງແວດລ້ອມ ແລະ ເສດຖະກິດ ຮ່ວມກັບຄວາມຊ່ຽວຊານດ້ານການໃຫ້ຄຳປຶກສາລະດັບສາກົນຫຼາຍກວ່າ 50 ປີ ເຮັດໃຫ້ ໄອແອລເອັຟ ເປັນຄູ່ຮ່ວມຍຸດທະສາດທີ່ສົມບູນແບບສໍາລັບການພັດທະນາແຜນຫຼັກໃນດ້ານທຸລະກິດຂອງ ປົກປ້ອງພະລັງງານ ແລະ ສະພາບພູມອາກາດ, ນໍ້າ ແລະສິ່ງແວດລ້ອມ, ການຂົນສົ່ງແລະໂຄງສ້າງ ແລະ ນໍ້າມັນ, ແກ໊ດ ແລະ ຂະແໜງອຸດສະຫະກຳ
